Weser-Radweg 2025: Mam Liette eng perfekt virbereete "Cheftaine", interessant Informatiounen ënnerwee, gemittlecht Vëlofueren derch eng schéi Landschaft an historesch Stied,, wonnerbar Hoteller, gutt a gemittlech Owendiessen, léif an hëllefsbereet Leit an der Grupp. Nëmmen ze recommandéieren!

Villmols Merci fier di flott Rees op Paräis. Et war immens flott, Paräis vun ënger bessen manner hektischer Säit kennenzeleiren. Duerch di verschidden Tier sinn ech ganz vill gewuer ginn an et huet einfach just Spaß gemaach. Alles huet tiptop geklappt:-))

Vu Mulhouse op Dôle laanscht de Canal du Rhône au Rhin an den Doubs mat 3 flotten Iwwernuechtungsetappen an gudd geféiert vum Monique. Als éischt oder kuerz Velosvakanz ze recommandéiren.

Paräis, méi wéi 40 Joer méi spéit, war definitiv eng iwerraschend Entdeckung fir mech, well einfach komplett anescht wéi a menger Erënnerung a Virstellung. Iwersiichtleg, hell, lëfteg, oppen…einfach angenehm! Eis 2 wonnerbar GuidINNEN (‘Paris féministe’ oblige…) hun et fäerdeg bruecht, eis a kuerzer Zäit ee quasi kompletten a super interessanten Iwerbléck vun der Stad ze gin. Ee grousse Merci, Monique! Ech wärt mech an Zukunft méi oft op Paräis verieren…..

Dem Claude, Karin a Pol kann ech mech nëmmen uschléissen. Erem e schéinen gutt organiséierten Tour mat wéi de Numm et séet ville Blummen an e mageschen Doft vun Hyazinthen :-) déen eis iwwert de Wée laanscht Blummefelder begleed huet. Meng kleng Einlag huet mir gewiesen zu wat fir engem léiwen an hellefsräischen Group mir a kuerzer Zäit zesummegewues sin. Merci!!! Merci Monique fir "erem" déi super Organisatioun an Begléedung fir desen schéinen Blummentour.